Ég hef tekið þá ákvörðun eftir mikinn þrýsting að hætta með þessa bloggsíðu. Ég veit þið eigið eftir að sakna mín mjöööög mikið en þið þurfið ekki að örvænta því ég hef startað bloggi á miklu betri og sniðugri síðu og þar get ég gert allt sem mig langar til, s.s. sett inn myndir sem ég hef notabene ekki getað hér á þessari síðu, ég hef sett inn lykilorð á myndasíðuna mína, það er vísbending um það á síðunni þannig að þið sem þekkið mig vel vitið hvað það er en þið hinir endilega sendið mér póst til að fá lykilorðið.

Jæja, ég kveð þessa síðu með trega og vona að það gangi jafn vel með hina.

hérna kemur slóðin á nýju síðuna: www.123.is/gunnan

Það er nú alveg merkilegt með mig að þegar ég fæ æði fyrir einhverju þá mega vinkonurnar vara sig því ég tala stanslaust og um ekkert nema það tiltekna atriði. Einu sinni var það fyrirlestur um óhollustu ljósabekkjanotkunar svo var það líkamsrækt, hjúkrun á gömlu fólki, fyrirburum og ungbörnum, skólinn en nú eru það blessuðu hundarnir. Mér finnst þeir æðislegir. Og fyrst ég er byrjuð að tala um þá, þá ætla ég að segja ykkur svolítið skemmtilega hundasögu, nei djók bara um mína elskulegu hunda.

Máni kom á heimilið í fyrradag. Hann er yndislegur. Vekur mig um miðjar nætur og sonna heheheeh góð getnaðarvörn, ekki það skemmtilegasta sem ég lendi íL. En greyið var svo slappur í allan gærdag, svaf allan daginn og át ekki neitt né drakk. Ef ég vakti hann þá gekk hann nokkur skref og datt svo niður aftur steinsofandi. Mér leyst nú ekkert á blikuna og hringdi í Ástu og spurði hvort þetta væri eðlilegt, ónei það fannst henni ekki. Ég er búin að handmata hann með sprautu, mjólk og sykurblöndu upphitaða. OMG hvað hann hresstist við þetta. Nú er hann bara flottur kall, leikur við Emblu og gengur hér um hús. En nennir ekki enn að borða, en móðursjúka hundamamman hringdi náttla á dýralækninn og hann sagði að þetta væri í lagi á meðan ég kem vökva ofan í hann.

Embla var nú ekki alveg að gúddera þetta í fyrstu, þurfti að kljást við tilfinningar á borð við afbrýðissemi, óöryggi, gleði, fýlu og flr. En hún er nú búin að jafna sig á þessu öllu saman og finnst alveg æðislegt að leika við litla snúð. Svo er ég náttla búin að vera með 2-3 hundapíur hérna heima á meðan ég er í skólanum heheeheheheh dugar ekkert minna fyrir hundana mína! Gummi bró og Thelma og Jóa sjúkkur eru náttla búin að redda mér feitt sko. Ég hugsa nebbla aldrei fram í tímann og var ekki búin að fatta að mar skilur náttla ekki svona lítinn kall eftir einan, og hvað þá með einni 10 mánaða skessu. Krakkar mínir, ef ykkur vantar einhverntíman greiða, þá eru þeir hjá mér!!!!!!

Nú er fjörið að byrja í skólanum, fullt af verkefnum á næsta leyti og nú þarf maður að byrja að vinna það. Þannig að það er nú bara tóm hamingja heheheeh.

Thelma var búin að fá inn í gæsluna en Gunna góðhjartaða bað þær um að láta einhvern sem væri í brýnustu neyð fá plássið þar sem ég er með svo góða stundatöflu og er alltaf komin heim á undan stelpunum. En ég er í forgangi eftir áramót ef ég þarf á því að halda þá.

Ég get nú ekki sagt annað nema rigningin dragi allann kraft úr manni. Ég er alveg búin að vera að drepast úr leti alla vikuna og sé rúmið mitt alveg í hyllingum allan daginn. Það lá við að ég biði Jóu og Elínu að leggja sig með mér í gær þegar þær voru í kaffi heheheeh við gátum varla setið uppréttar á stólunum fyrir þreytuJ. Ég meina, mar er náttla vakinn um miðjar nætur!!!! Ég var nú samt svo dugleg áðan að ég skellti mér í göngutúr með Embluna þrátt fyrir rigninguna og vá hvað ég var búin að gleyma hvað það er yndislegt að fara í regngallann og vera í ferska loftinu rennandi blautur. Er nú samt ekki viss um að Emblu hafi fundist þetta eins æðislegt og mér J vill helst bara vera inni í svona veðri.

Herru, ég þarf að vera heima um helgina með hvolpinn þannig að það verður bara opið hús í kaffi til mín, samt ekki mjög mikið fyrir hádegi, því helgin verður notuð til að sofa letina úr mér.

Góða helgi allir.

Jæja, þá er ég loksins búin að velja mér hund. Skrapp til hennar Ástu í Dalsmynni í dag og fékk að skoða hvað hún átti og vá hvað það var erfitt að velja…….á endanum tók ég að mér lítinn tjúastrák sem er brúnn á litinn og ég ákvað að hann á að heita Máni. Ég fer á eftir að sækja hann því hann átti eftir að fá síðustu sprautuna. Allir voðalega spenntir að sjá strákinn, vonandi tekur Embla honum velJ. Hafsteinn er svo ánægður að ég skuli vera svona hrifin af hundum, ég er allavega ekki að suða um fleiri börn á meðan ég er í þessu heheehehehehehee.

Svona fyrst ég er að tala um hunda þá vil ég aðeins minnast á hana Ástu í Dalsmynni. Ég hef nú komið nokkrum sinnum að kíkja á búið hennar og spjallað við hana í leiðinni og þetta er alveg hrikalega almennileg og ljúf kona. Hugsar vel um hundana sína. Eins þykir mér áberandi fallegri hundarnir hjá henni heldur en hjá öðrum ræktendum, allavega það sem ég hef séð. Ég tók allavega ekki annað til greina en að taka hund frá henni. Við Thelma vinkona(sem fór með mér að velja hund, hehehe ég er að reyna að láta hana fá bakteríuna) táruðumst næstum þegar Ásta sagði okkur alla söguna áðan af ofsóknum fólks í sinn garð. Meira segja var búið að setja inn pistil á opnum vef um að hún hafi alltaf misnotað börnin sín og nú séu hennar börn byrjuð á sömu iðju. Ég meina, hvað er að fólki???? Og svo var líka ein sem sagði að hún hafi tekið sig í rassgatið úti á götuhorni! Maður þarf nú ekki að vera mjög klár til að vita það að það verk er frekar erfitt fyrir konu heheeheheheeee. En ég meina, hvursu langt ætlar fólk að ganga í að eyðileggja líf fólks? Hefur hundaræktunarfélagið einhvern einkarétt á ræktun hunda? Leynast ekki gallar í hundum frá þessu snobbfélagi? Hvað þýðir orðið hundaræktunarfélag? Er það ekki félag sem ræktar hundana sína? Vinur okkar á tík sem er blanda af irish setter, springel spaniel og Labrador. Vá, 3 veiðihundakyn í einum hundi. Hann ætlaði með hundinn sinn á veiðinámskeið hjá HRFI, en nei, blendingar mega ekki fara á námskeið hjá hundaræktunarfélaginu!!!!! Hvaða snobb og fordómar eru þetta??? Hundaræktunarfélagið er búið að skíta upp á bak. Ég á Dalsmynnishunda og má ekki rækta þá með HRFI hundum, hvaða hálfviti getur ákveðið það? Ég hélt að ef hreinræktaður hundur færi á hreinræktaða tík þá væru hvolparnir hreinræktaðir sama frá hvaða félagi hundarnir eru? Eða er ég eitthvað að misskilja það eða? En ef ég flyt inn hund frá svíþjóð og annan frá Spáni og rækta undan því, er það ekki hreinræktað?? Allavega hef ég talað við margt hundafólk sem allt er búið að fá nóg af HRFI og hafa ekkert út á Ástu að setja. Og hundarnir hennar eru sannkallaðir gullmolar!!!! Ég verð nú bara að segja það að ég er stolt af Ástu minni fyrir að standa ennþá í lappirnar eftir svona einelti. Áfram Ásta í Dalsmynni!

Já, ég er byrjuð á fullu í náminu mínu, byrjaði frekar brösulega hjá mér í síðustu viku þar sem ég var að undirbúa og styðja stelpurnar mínar í skólanum, en þessa viku átti svo að taka með trompi. Nema hvað, umferðarteppa dauðans í Ártúnsbrekkunni í morgunL þannig að ég mætti korteri of seint í tímann. En sem betur fer lentu fleiri í teppunni þannig að mér var alveg fyrirgefið þaðJ. Skellti mér eftir tímann í bóksöluna, omg, þykkustu bækur ever, og dýrustu held ég. Ég meina, ekki eins og námsmenn séu ríkir, alveg óþarfi að plokka hvern einasta eyri af manni. 2 bækur og 2 ljósrituð hefti kr 12.000- takk fyrir pent!

OMG, ég á svo að skila inn ævisögu mína og halda ræðu í næstu vikuJJJ, þá gildir reglan: fake it until you make it!!!! Það er mitt mottó í lífinu og það virkar, ég er að segja ykkur það.

Skvísurnar mínar byrjaðar á fullu í skólanum. Ohhh þetta er svo notarlegt, að geta vakið þær á morgnanna í rólegheitunum og fylgt þeim í skólann án þess að vera að flýta mér í vinnu eða skóla sem byrjar oft kl 8. Alger snilld að mæta kl hálf níu. Og svo er ég heima til taks fyrir þær þegar skólinn er búinn og þær leika sér allan daginn og hlaupa inn og út með allar vinkonurnar og vininaJ, svo skemmtilegt. En Thelma var nú enn í leikskólafýlingnum í morgun þegar hún sagði: mamma, ég ætla ekki í skólann í dag, fer bara á morgun heheheeheh nei, vinkona, nú eru notarlegheitin búin og ekkert sofið út meir á virkum dögum, þetta verður puð og pína amk næstu 10 árin múhahahahaahahah, nei, var nú ekki alveg svo nasty en langaði að segja þetta heheheeehhhe.

Ohhh ég var komin með svo góða blogghugmynd eftir rökræður við Jóu og Elínu í dag, en ég get svarið það að ég man ekki um hvað þessar rökræður voru heheheheheeh man bara að ég sagði, já! Ég blogga um þetta í kvöld stelpur!!!! Eru þetta ellimerki????

Annars má ég ekkert vera að þessu bloggi þessa dagana, er að reyna að minnka við mig tölvunotkunina, svo hrikalegur tímaþjófur, og ætla að einbeita mér að því að halda heimilinu fallegu, siða stelpurnar mínar og kenna þeim almenna umgengni( og vinkonur þeirra í leiðinniJ), prjóna og læra. Ég sé fram á að ég verði næstu 10 árin að lesa þessar bækur mínar, úfffffff………………………………

Vá, hvað mínar voru fegnar að fara í skólann í dag. Thelma búin að bíða eftir þessu mómenti í 2 ár eða síðan Snædís byrjaði í skóla. Mamman var nú svoldið kvíðin þegar hún skyldi yngra barnið eftir en sá kvíði fór þegar stelpan kom brosandi út af eyrum heim, þetta var alveg æðislegt og mikil stemming að fara með nesti í skólann og fá að labba heim með stelpunum. Snædís var líka mikið glöð að mæta í skólann aftur og hitta gömlu bekkjarsystkinin.

Ég var að vinna í kvöld og vinn ekkert aftur fyrr en 14.sept, ferlega skrítið eitthvað að vera svona sjaldanJ. Vonandi redda þau þessu án mín hehehehe mar er svo ómissandi.

Mér líður svo vel að hafa minnkað svona við mig, ég get gert alla hluti núna með stelpunum mínum, alger lúxus og stelpurnar eru mjög ánægðar með þetta.Svo byrjar skólinn hjá mér fyrir alvöru núna á mánudaginn, þessi vika var meira eins og aðlögun hehehehe eins og leikskólabörnin fá. Reyndar er ball annað kveld en ég nenni nú ekki að mæta á það, alger félagsskítur alltaf!!!! Mig langar bara ekkert til að djamma með fólki sem ég þekki ekki neitt, vil heldur vera með mínum vinkonum í góðu teiti, en reyndar geri ég allt of lítið af því líkaL. Hér með auglýsi ég eftir djammfélögum ekki þessa helgi heldur næstu! 

Við Gunna og Rakel kickboxvinkonur ætlum að taka hitting með börnin á morgun, það verður nú gaman, er allt of löt við að hitta þær, eins og flesta aðra sem ég þekkiJ. 

Jæja, hafið það nú gott yfir helgina, ég ætla allavega að hafa það!!!!!

Önnin byrjar ekki nógu vel hjá mér, fór ekkert í skólann í dag. Er á fullu að undirbúa skvísurnar fyrir skólann sinn og þeyttist út um allan bæ til að kaupa skólavörur. Fyrst fór ég í Griffil en hætti skyndilega við þar sem mannmergðin var gífurleg, þá ákvað ég að fara í office 1, en sama sagan þar. Þannig að ég gaf skít í að vera hagsýn húsmóðir og fór í eina af dýrustu búðunum, Odda. Þar var náttla ekki allt til sem var á innkaupalistanum þannig að ég varð að skella mér í Kringluna líka til að fá restina og til að fá puma tösku fyrir Snædísi, já, nú er það byrjað, merkjasuð!!!!!!

Svo var skólasetning hjá stelpunum kl 17 í dag í Björnslundi, útiskólastofunni og þar var heljarinnar fjör. Thelma alveg tilbúin að mæta í skólann í fyrramálið með nesti og nýja skó. Æ, þetta er svo gaman. Ég fylgi þeim í skólann í fyrramálið með tárin í augunum, litlu stelpurnar mínar……….orðnar stórar. Svo fer ég í skólann í um 2 tíma og svo er kvöldvakt. Dísús, nú er svoooo langt á milli vakta hjá mér að næst fer ég 14.september híhíhí og svo í október, mér finnst það nú frekar fúlt því ég á eftir að sakna allra sem ég vinn með svoooo mikið í millitíðinni(set þetta inn hér svona af því ég veit að nokkrar í vinnunni lesa bloggið mittJ), en svona án gríns þá eru samstarfsfólk mitt upp til hópa alveg yndislegt, ég var einmitt að hugsa um það áðan hvað mér þykir nú gaman í vinnunni!!!!!

Fór í Nóatún áðan og var ekki að finna neitt í matinn sem mig langaði í en hitti svo Jóhönnu mína og þá kom það……..megavika hjá Dominos heheheeheheh Jóa er nebbla mjög dugleg við að panta á megaviku. Ég get svarið það að ég hef sjaldan smakkað jafn hrikalega góða dominos pizzu, það er ekki sama á hvaða stað maður pantar sér, alveg finnur maður muninn.

Omg ég var að horfa á Opruh og vá hvað þetta var sorglegur þáttur. Fjallaði um ung börn sem hafa dáið í bílslysum. Móðir sem sofnaði undir stýri með 6 börnin sín í bílnum 7 ára og yngri. 3 af þeim dóu, guð minn góður, hvernig getur maður lifað eftir svona áfall? Svo var ein amma sem bakkaði yfir lítið barnabarn sitt og guð minn góður hvað konan hefur mátt þola síðan þá………já,slysin gera ekki boð á undan sér og því bið ég alla um að fara varlega í umferðinni.

Jæja, smá blogg hér.

Hummm,hvar á ég að byrja?

Thelma mín er alveg búin að jafna sig eftir heilahristinginn, greyið. Alltaf óhugguleg þessi höfuðhögg.

Við mæðgur tókum íbúðina í gegn í dag því von var á kennurunum í skólaboðun. Alveg hrikalega skemmtileg hefð hjá skólanum. Thelmu og Snædísi leyst bara mjög vel á þetta allt saman og bíða núna spenntar eftir fimmtudeginum,sem er fyrsti skóladagurinnJ.

Ég byrjaði í KHÍ í morgun, frekar hadló að vera svona áttavilltur í byggingunni hehehe en ég rambaði strax á rétta stofu í morgun og vonandi aftur á morgun. Mér leyst bara vel á mig þarna og það verður án efa mjög mikið að gera hjá mér í vetur í þessu námi. Alls eru 74 nemendur að byrja í þessu námi en við erum aðeins 34 í staðnáminu.

Húsmóðirin mikla tók sig bara til í kvöld og eldaði lasagne fyrir familíuna. Er búin að vera hrikalega löt undanfarið að elda því oft eru stelpurnar ekki heima og þá er ég mjög fegin að sleppa heheeh. En ég á nú eftir að vera dugleg í vetur, engin kvöldvinna og svona, ferlega næs.

Hehe ég heyrði áðan í Emblu inn í herbergi eitthvað að væla og röfla og ég hélt að hún væri inni hjá stelpunum og var ekkert að tékka á henni, svo korteri seinna heyrði ég aftur í henni og ákvað að tékka á þessu og þá var mín búin að flækja sig svona líka í himnasænginni hennar Thelmu að hún var alveg pikkföst heheeheh eins og dýr í gildru, hún var mikið frelsinu fegin get ég sagt ykkur. Og ég alveg að drepast úr samviskubiti að hafa ekki tékkað á henni fyrrJ.

Skóli á morgun, á reyndar ekki að mæta fyrr en kl 10.20 og svo þarf ég að fara með börnin mín að kaupa skólavörur. Er ekki Griffill ódýrastur???? Svo verður skólasetning í útiskólastofunni Björnslundi kl 17. Eins og þið sjáið alveg brjálað að gera eins og alltafJ.

Þegar ég vaknaði í morgun og spurði hvað klukkan væri þá sagði Hafsteinn að klukkan væri hálf eitt, ég var ekki að trúa því hvað við sváfum lengi og gargaði HÁLF EITT!!!! Og aumingja Thelma sagði: á ég að sofa lengur? Hehehehe því í gær þá vaknaði hún fyrir kl 7 um morguninn og ég var að reyna að díla við hana um að sofa lengur þá.

Þannig að það varð ekki mikið úr deginum þar sem ég átti að mæta í vinnu kl 15. Kl 15.15 hringdi Hafsteinn í mig og sagði að Thelma hafi dottið á höfuðið og væri  með stóra kúlu og hálf slöpp. Kl hálf fjögur var hún farin að kasta upp, hún fékk feitan heilahristing. Sem betur fer var ekkert að gera í vinnunni og ég fór því með hana upp á slysó. Hún var mjög slöpp og var ennþá ælandi og spúandi úti á bílaplani þegar við fórum með hana heim. Pabbi hennar sótti hana því ég fór aftur í vinnu og um kvöldið var hún orðin hress, gat borðað og sonna. Vonandi verður ekkert meira úr þessu.

Skólinn byrjar á morgun hjá mér og ég er mjög spennt, fer svo beint á kvöldvakt, brjálað að gera heheehehehe en nú er ég dottin í 20% vinnu á lansanum og ég veit ekki hvernig ég fer að því að vinna svona lítið eða þriðju hverja helgi, ef ég þekki mig rétt þá á ég eftir að breyta þessu yfir í aðra hvora helgi, sjáum til hvernig þetta verður allt saman. Jæja, best að skella sér í bælið svo maður verður ferskur í fyrramálið.

Jæja, ég ákvað að sleppa því að vera í margmenninu í Laugardalnum í gær og horfði á stærstu útitónleika Íslandssögunnar í stofunni heima. Ég man ekki alveg röðina á hljómsveitunum en allavegana þá fannst mér mugison mjög góður og Bubbi er náttla alltaf Kóngurinn. Svo flottur, kom einn með sinn gítar og munnhörpu og kom fólkinu loksins í gírinn. Páll Óskar stóð sig svo sannarlega með príði eins og vanalega sem veislustjóri kvöldsins. Vá, Garðar Thor Cortes, hann er stjarna Íslands um þessar mundir. Alveg ótrúlegt hvað hann syngur vel. ég vissi ekki að hægt væri að syngja óperu grannur  í gallabuxum. Mjög gaman að heyra gömlu góðu todmobil login og Andrea Gylfa svo sæt og fín með nýja kjaftinn sinn, verst að þolið hjá henni hefur hjaðnað og stóð hún alveg á öndinni þegar hún var búin að syngja nokkur lög og var alveg rammfölsk á tímabili og náði ekki upp á hæstu tóna laganna. SSSól mætti líka á svæðið og omg hvað Helgi Björns er sjúskaður, ég var að hugsa það að hann er með alveg hörmulega rödd, rammfalskur í flestum lögum eins og Andrea vinkona sín. Luxor eru voða sætir gaurar en geta ekkert sungið og kornið fyllti mælinn þegar nælon mætti berar að neðan og hafa ekkert skánað eftir að Emilía ákvað að draga sig í hlé frá frægðinni og verða ráðsett frú með sínum heittelskaða. Þarna var kominn dágóður aulahrollur í mína. Hvað var málið með Stuðmenn? Ég hef það á tilfinningunni að Kaupþing hafi borgað þeim fúlgur til að skemmta fólkinu þarna, ekki til að svæfa það! Ég veit það ekki, hef ekki svo mikla reynslu af því að sækja tónleika en ef ég væri á tónleikum þá myndi mig langa til að heyra lög sem ég gæti sungið hástöfum með, ekki einhver ný og róleg lög, eða allavega ekki á hápunkti tónleika, kannski í upphituninni. Og svo til að bæta gráu ofan í svart mætti Bjöggi Feiti Halldórs í skotapilsi og hélt að hann væri aðalatriðið en féll svo skyndilega í skuggann á sjarmatröllinu Agli Ólafs. Ef ég hefði mátt velja mér tónleika með íslenskum hljómsveitum þá væri það þannig: Mugison og Bubbi kóngur, Garðar Cortes, Páll óskar á að syngja, ekki nóg að heyra hann bara tala, Svo kæmi ný dönsk, Á móti sól er nú fjörugra en Luxor og Nilon, og Frostrósir eru náttla geðveikar, hvar var Björk okkar Guðmundsdóttir? Eivör Páls og Ríó Tríó og svo eru Selma og Hansa með klassa tónlist, já svo mætti lengi telja. En misjafn er smekkur manna sem betur fer og eru örugglega margir mjög ósammála mér með þetta. Endilega kommentið álit ykkar sem sáuð tónleikana í gær.

Nú er í tísku hjá börnunum í hverfinu að ganga í hús og safna dósum. Ég er svo leiðinleg að ég gef ekki mínar dósir heldur er ég svo hagsýn að ég safna dósunum sjálf. En allavegana þá vildi Thelma og vinkona hennar gera það sama þannig að ég rétti þeim svartan ruslapoka en þegar þær voru á leiðinni út þá spurði ég Thelmu hvað hún ætlaði að segjast ætla að gera við peningana: ég ætla að gefa mömmu minni þá svo hún verði rík!!!! Ég alveg, neeeeeiiiiiii!!!!!!!! Omg eins og ég hafi sent barnið í húsin í kring til að sníkja dósir heheehehehehe. Ég náði nú að finna einhverja aðra ástæðu, er ekki börnin í Afríku alltaf góður frasi?

Jæja.

Auli dagsins, ég, aftur. Féll í íslenskunni, fékk 4 hehehehe, ég vissi það svo sem, var mikið að spá í að mæta ekki í prófið þar sem ég náði ekki að lesa yfir allt efnið. Það er eiginlega of mikið að taka 2 fög í sumarskóla með vinnu og heimili. En ég náði sálfræðinni með glæsibrag og er mjög ánægð.

7 daga fríi er lokið, ég er á leið á kvöldvakt og svo morgunvakt í fyrró.

Nú fæ ég mest lítið að vera í tölvunni því ég var að gera hotmail og msn fyrir Snædísi mína og hún vill tjatta við vini og vandamenn helst allan daginn heheheeheh hún er orðin svoooo stór.

Nú í næstu viku koma kennararnir þeirra í heimsókn til okkar og boða þær í skólann. Ferlega skemmtilegt. Eins gott að þrífa og hafa eitthvað gott með kaffinu þann daginnJ. Og svo byrja ég í KHÍ á mánudaginn. Þetta verður bara fjör hjá okkur skvísunum.

Embla er núna búin að vera tæpar 2 vikur á lóðaríi og þá er 1 vika eftir. Hún er svo fyndin, svo mikil móðureðli hjá þessum tíkum á lóðaríi og hún er búin að taka ástfóstri við eina vinkonu Thelmu og grenjar og vælir úr gleði þegar hún kemur, og svo sé ég hana ekkert á meðan hún er í heimsókn því hún vill bara vera í fanginu á henni og sleikja hana alla eins og hún leggur sig. Og svo er þvílík sorg þegar hún fer aftur heheeheheheh. Stelpa sem Embla vildi ekkert með hafa áður en hún fór á lóðaríið.

Úff hvað ég fann fyrir því í gær að það er farið að kólna. Maður er farinn að þurfa að setja ofnana í gang á kvöldin því mér er kalt. Þá er bara að taka fram vetrarfatnaðinn og herða sig upp fyrir veturinn.

Já, svo ætla ég að fara að taka trampolinið saman á næstu dögum, hef ekki fengið frið í allt sumar fyrir krökkunum í hverfinu,þau eru að banka uppá frá 8 á morgnanna til kl 23.30 á kvöldin og ég þarf alveg að hemja mig um að öskra ekki á þau þegar þau koma heheehehehe ég geri ekkert allan daginn en að svara dyrabjöllum. En ég met það samt að þau fara ekki á það nema með mínu leyfi.

Jæja, verð að hleypa Snædísi á msn. Heyrumst fyrir helgi.

Jæja, þá eru prófin frá!!! Og ég get ekki lýst því hvað ég er fegin. Doldið þreytandi að taka tvö próf í röð og bæði frekar löng, og ég fann það alveg að ég hefði getað verið miklu betur undirbúin undir þetta. En eins og er þá er ég bara fegin að þetta sé búið sama hver útkoman verður.

Katrín mín búin að eiga prinsessuna. Til hamingju með þetta allt saman, Katrín, Hjalti og Inga Bryndís.

Nú tekur við rólegheit hjá okkur fjölskyldunni allavega þessi vika, svo byrja skólarnir í þeirri næstu.

Ætli maður setjist ekki bara með prjónana og klári að prjóna vetrarpeysurnar á skvísurnar. Nú hef ég allan tíma heimsins fyrir mig og fjölskyldunaJ .

Jæja, þá styttist í hrikalega erfiða íslenskuprófið hjá mér + sálfræði. Ég ætlaði að vera úber dugleg að læra en er rétt búin að glugga í þetta. Dísús svo mikið efni að ég veit ekki hvar ég á að byrja. Svo er ég búin að stelast til að prjóna og prjóna rauða lopapeysu á Thelmu fyrir veturinn og er búin með búkinn og eina ermi og svo vorum við að setja hvíta steina meðfram pallinum þannig að ég er búin að “sóa” heilmiklum lærdómstíma um helgina. Reyndar er ekki mikill friður á heimilinu þessa helgina en það er barnahelgi, eini staðurinn sem ég get lært á er hjónaherbergið og ég sofna í hvert einasta skipti sem ég byrja á bókinni þarJ. Æji fuck it, ég fell þá baraJ. Þýðir ekkert að fara í fýlu yfir því.

Ohhhh ég hlakka svo til vetrarins. Þetta verður bara kósí vetur, tókst loksins að hafa bara temmilegt að gera, verð ekki að drukkna eins og sl vetur. Ætla bara að njóta mín með stóru skólastelpunum mínumJ. Svo hef ég allan tíma heims, svona næstum því, til að heimsækja allar frábæru vinkonurnar mínarJ ég er að segja ykkur það, draumur í dós.

Embla er mjög fyndin þessa dagana á þessu lóðaríi, komið upp eitthvað móðureðli í hana og ef það kemur barn í heimsókn þá vill Embla bara vera hjá því heehehehehe, sleikja þau og vera í fanginu á þeim. Frekar ólíkt henni því hún er nú stundum þreytt á þeim. Er enn að leita af vinkonu/vin fyrir hana.

Jæja, ekki vera að trufla mig, ég þarf að læra!!!!!

Auli dagsins er ÉG!!!!! Ég var til kl 3 í nótt að reyna að troða þessari sálfræði í hausinn á mér og var svo vöknuð kl 8 tilbúin að rúlla prófinu upp. Mæti niðrí Ármúla hress og kát og sé hvergi stofunúmer með sálfræði 203, fer og spyr, nei, þá var prófið í gær!!!!!!! OMG hvað ég var búin að bíta það í mig að það væri í dag. En jæja, þetta þýðir það að ég þarf að taka bæði prófin á mánudaginn.

Mér finnst svo miklu fargi af mér létt eftir að ég ákvað að hætta að kenna að þið trúið því ekki. Mér finnst ég vera frjáls, ég get gert allt sem mig langar til án þess að vera í tímaþröng!

Hvernig er með bíóin í dag, eru einhverjar góðar sem maður verður að sjá?? Ég horfði á eina hrottalega góða um daginn á flakkaranum mínum, samt frekar gömul hún heitir notebook. Það er mynd fyrir konur sem vilja skæla doldið með. Ég sat hér stjörf einn daginn og Hafsteinn mátti ekki einu sinni skipta yfir og horfa á fréttirnar heheehehehe. Elska þegar maður sér myndir sem skilja eitthvað eftir sig. hún fær alveg fullt af stjörnum frá mér.

Jæja, ætla að eyða restinni af deginum í húsverk. Ekki veitir af!

Já, oft kemur sú staða upp í lífinu að maður þarf að velja og hafna. Ég er búin að taka þá ákvörðun að hætta að kenna kickboxið í bili og láta námið og fjölskylduna mína ganga fyrir. Það er mjög slítandi að vera í svona kvöldvinnu þegar maður er með hænur sem þurfa að læra heima. Það var nógu erfitt með eina í fyrra og nú eru þær orðnar tvær og nú ætla ég að gefa mér tíma í þetta. En ég ætla nú samt að halda áfram að æfa í ræktinni sjálf, þýðir ekkert að setjast í helgan stein og safna spiki, nú hef ég líka góðan tíma á daginn þar sem ég hef svo æðislega stundartöflu.

Nú er ég í viku fríi frá vinnunni og er sveitt að læra undir sálfræðiprófið sem er á morgun. Tók mér reyndar góða pásu áðan þegar Jóhanna kíkti í kaffi til mín en ætli ég verði ekki alla nóttina að reyna að troða þessu inn í hausinn á mér.

Alveg merkilegt hvað mig vantar alltíeinu ný húsgögn akkúrat núna þegar allar útsölurnar eru í gangi. Mig vantar nýtt sófaborð og minna sófasett og sjónvarpsskáp og nýtt eldhúsborð og stóla, er að verða geðveik á hvítu leðurstólunum mínum, helvíti að þrífa þá. Ætla að fara á stúfana á morgun að kíkja í búðirnarJ.

Og svo er bara lærdómur alla helgina undir íslenskuprófið sem verður eitthvað skrautlegt. Ég meina, hver er tilgangurinn með ljóðgreiningu, túlkun og bragarháttum omg hvernig á ég að vita hvað hundgamlir kallar voru að hugsa þegar þeir sömdu þetta?